Saturday, February 6, 2016

Monday, February 1, 2016

இந்தியத் தொல்லியல் ஆய்வின் வரலாறு, கி.ஸ்ரீதரன், 6 February 2016

தமிழ்ப் பாரம்பரிய அறக்கட்டளை
(Tamil Heritage Trust)
presents



இந்தியத் தொல்லியல் ஆய்வின் வரலாறு
(History of Indian Archaeological Research)
by 

கி.ஸ்ரீதரன்
(K. Sridharan)

at 5.30pm on Saturday, February 6th, 2016
at 
Arkay Convention Center, 
146/3 R.H.Road, OMS Lakshana (Above Shah Electronics), Mylapore, Chennai

தலைப்பு பற்றி:

ஒரு நாட்டின் தொன்மைச் சிறப்புமிக்க வரலாற்றை அறிய உதவும் சான்றுகளில் முக்கியமானவை தொல்லியல் ஆய்வுகள். தொல்லியல் என்னும் பெரும் பிரிவில் கல்வெட்டுகள், செப்பேடுகள், ஓலைச் சுவடிகள், பண்டைய காசுகள், அகழாய்வு, சிற்பம்/ஓவியம்/திருமேனி அடங்கிய நுண்கலைகள், கட்டடக்கலை போன்றவை அடங்கும்.

இந்தியாவில் தொல்லியல் ஆய்வு 18-ம் நூற்றாண்டின் இறுதியில்தான் (1784) முக்கியத்துவம் பெற்றது. 1862-ல் இந்தியத் தொல்லியல் பரப்பாய்வுத் துறை தொடங்கப்பட்டது. 1901-ல் சர் ஜான் மார்ஷல் தலைமைப் பதவி ஏற்றபின் ஹரப்பா, மொகஞ்சதரோ, சாரநாத், நாளந்தா போன்ற வரலாற்றுச் சிறப்பு வாய்ந்த இடங்களில் அகழாய்வுகள் மேற்கொள்ளப்பட்டன. 1944-ல் மார்டிமர் வீலர் தலைமையில் அறிவியல் முறைப்படியான அகழாய்வுகள் மேற்கொள்ளப்பட்டன. அரிக்கமேடு, பிரம்மகிரி போன்ற இடங்களில் இக்காலத்தில்தான் அகழாய்வுகள் நடந்தன.

தொல்லியல் ஆய்வுகளின்போது இந்திய வரலாற்றுக்கு அடிப்படையான பல கல்வெட்டுகள் கண்டுபிடிக்கப்பட்டன. கல்வெட்டு ஆய்வுக்கு என்று தனிப்பிரிவு தொடங்கப்பட்டது. Epigraphica Indica, இந்திய கல்வெட்டு அறிக்கை, தென்னிந்திய கல்வெட்டுத் தொகுதிகள் ஆகியவை வெளியிடப்பட்டன.

இந்தப் பேச்சின்போது ஸ்ரீதரன், இந்தியத் தொல்லியல் ஆய்வுகளின் வரலாற்றை விளக்குவார்.

பேச்சாளர் பற்றி:

1948-ல் பிறந்த கி. ஸ்ரீதரன், சென்னைப் பல்கலைக்கழகத்தில் பண்டைய வரலாறு மற்றும் தொல்லியலில் எம்.ஏ பட்டம் பெற்றவர். தமிழக மாநிலத் தொல்லியல் துறையில் பணியாற்றி ஓய்வுபெற்றவர். கொற்கை, கரூர், காஞ்சி, கங்கைகொண்ட சோழபுரம், கொடுமணல், மரக்காணம், ஆண்டிப்பட்டி, மோதூர், பரிக்குளம் ஆகிய இடங்களில் அகழ்வாய்வில் ஈடுப்பட்டிருக்கிறார். இவர் தொல்லியல் துறைக்காக எழுதிய புத்தகங்கள்: தமிழ்நாடு கல்வெட்டுக்கள், கரூர் அகழ்வைப்பகம் -- கையேடு, இராஜாராஜன்  அகழ்வைப்பகம் -- கையேடு, கங்கை கொண்ட சோழபுரம் -- கையேடு, மரக்காணம் -- அகழாய்வு அறிக்கை, பரிக்குளம் -- அகழாய்வு அறிக்கை. இந்து சமய அறநிலையத்துறையின் திருக்கோயில் பத்திரிகையிலும் தமிழ் தினசரிகளிலும் கோயில்கள் குறித்தும் தல வரலாறுகள் குறித்தும் கல்வெட்டுகள் குறித்தும் எழுதுவருகிறார்.

RSVP:
S. Swaminathan - sswami99@gmail.com; 2467 1501
Badri Seshadri - Kizhakku-p-padippakam - badri@nhm.in; 98840-66566
A. Annamalai: Gandhi Study Centre - gandhicentre@gmail.com;
S. Kannan - musickannan@gmail.com; 98414-47974
R. Gopu - writergopu@yahoo.com, 98417-24641
T. Sivasubramanian - siva.durasoft@gmail.com, 98842-94494

Thursday, December 31, 2015

கஜசம்ஹாரமூர்த்தி வடிவத்தில் சங்க இலக்கியத்தின் தாக்கம், எஸ். ராமச்சந்திரன், 2 ஜனவரி 2016

(இரண்டு விஷயங்களைக் கவனிக்கவும். மாதாந்திரப் பேச்சுகள் நடக்கும் இடம் மாறியுள்ளது. டிசம்பர் மாதம் நடைபெறுவதாக இருந்த இந்த நிகழ்ச்சி, மழை/வெள்ளம் காரணமாக ஜனவரிக்கு மாற்றப்பட்டுள்ளது.)

இந்நிகழ்ச்சி, இணையத்தில் நேரடியாக ஒளிபரப்பாகும். 

தமிழ்ப் பாரம்பரிய அறக்கட்டளை
(Tamil Heritage Trust)

presents


கஜசம்ஹாரமூர்த்தி வடிவத்தில் சங்க இலக்கியத்தின் தாக்கம்
(Influence of Sangam Literature on the iconography of Gajasamharamurthy)
by 

எஸ். ராமச்சந்திரன்
(S. Ramachandran)
at 5.30pm on Saturday, January 2nd, 2016
at 
Arkay Convention Center, 
146/3 R.H.Road, OMS Lakshana (Above Shah Electronics), Mylapore, Chennai


தலைப்பு பற்றி:

சங்க இலக்கியத்தின் 'களிறுதருபுணர்ச்சி' என்னும் கருத்து எவ்வாறு பக்தி இயக்கத்தால் உள்வாங்கப்பட்டு கஜசம்ஹாரமூர்த்தி வடிவமாக இலக்கியத்திலும் சிற்பங்களிலும் சித்திரிக்கப்பட்டு, பரிணாம வளர்ச்சி அடைந்துள்ளது என்பதை ராமச்சந்திரன் சான்றுகளுடன் விளக்கிப் பேசுவார்.

பேச்சாளர் பற்றி:

எஸ். ராமச்சந்திரன் தமிழில் எம்.ஏ பட்டம் பெற்றவர்; கல்வெட்டியலிலும் தொல்லியலிலும் பட்டயப் படிப்பு படித்தவர். 1978 முதல் 2005 வரை தமழக அரசின்கீழ் காப்பாட்சியராகவும் கல்வெட்டாய்வாளராகவும் பணியாற்றியவர். ஓய்வு பெற்றதற்குப்பின் கடந்த சில ஆண்டுகளாக ரீச் ஃபவுண்டேஷன் என்ற அமைப்பின்கீழ் கல்வெட்டுகளைப் படிக்கும் பயிற்சி வகுப்புகளை நடத்திவருகிறார்.

RSVP:
S. Swaminathan - sswami99@gmail.com; 2467 1501
Badri Seshadri - Kizhakku-p-padippakam - badri@nhm.in; 98840-66566
A. Annamalai: Gandhi Study Centre - gandhicentre@gmail.com;
S. Kannan - musickannan@gmail.com; 98414-47974
R. Gopu - writergopu@yahoo.com, 98417-24641
T. Sivasubramanian - siva.durasoft@gmail.com, 98842-94494

ஆரணியும் ஆறு கதைகளும் - மோகன் ஹரிஹரன் (வீடியோ)


Monday, November 2, 2015

ஆரணியும் ஆறு கதைகளும், மோகன் ஹரிஹரன், 7 Nov 2015

தமிழ்ப் பாரம்பரியம்
(Tamil Heritage Trust)


presents

ஆரணியும் ஆறு கதைகளும்
(Arani and Six Stories)
by 

 மோகன் ஹரிஹரன்
(Mohan Hariharan)
at 5.30pm on Saturday, November 7th, 2015
at Vinoba Hall, Thakkar Bapa Vidyalaya, T Nagar.

ஆரணி என்றவுடன் பலருக்கும் தெரிவது பட்டுச் சேலைகள் மட்டுமே. ஆனால் பலரும் அறியாத பல வரலாற்றுச் சிறப்புகள் வாய்ந்த இந்த இடத்தைச் சுற்றிப் பார்க்கப் போகிறோம்! போர், வீரம், காதல், மக்கள் மாண்பு, மதம், அரசர்களின் வாழ்வு, பழமை வாய்ந்த கோவில்கள் ,விடுதலைப் போராட்டம்... இவற்றுடன் பின்னிப் பிணைந்த குணாதிசியங்கள்... இவை அனைத்தையும் உள்ளடக்கி 1965 வரையான நிகழ்வுகளை ஒரு தொகுப்பாகக் கொடுப்பதே இந்தப் பேச்சின் நோக்கம்.

பேச்சாளர் பற்றி:

68 வயதாகும் மோகன் ஹரிஹரன் ஆரணியில் பிறந்து வளர்ந்தவர். ஏ.சி.டெக் கல்லூரியில் கட்டடவியலில் பட்டம் பெற்றவர். புகழ்பெற்ற கட்டடக்கலை நிபுணர் கே.என். சீனிவாசன் கீழ் பணிபுரிந்தார். அப்போது இவர் பங்குபெற்று வடிவமைத்த கட்டடங்கள் தமிழகத்தில் பெரும்புகழ் பெற்றவை. உதாரணம்: சென்னையின் தேவி, சத்யம், ஈகா திரையரங்குகள், காமராஜர் கலை அரங்கம், திருச்சியின் கலை அரங்கம் மற்றும் மாரிஸ் தியேட்டர், கோவையின் ராகம், தானம், பல்லவி, மேலும் தென்னிந்தியா முழுவதும் பல்வேறு தொழிற்சாலைகள்.

1981 முதல் தனியாகத் தொழில் புரிந்துவரும் இவர் பாண்ட்ஸ்-இந்துஸ்தான் லீவர், அர்ஜுன் டெக்னாலஜீஸ், பல்வேறு மருந்து உற்பத்தி நிறுவனங்கள் ஆகியோரது தொழிற்சாலைகளை வடிவமைத்துள்ளார். சவீதா பல்கலைக்கழகத்தின் புகழ்பெற்ற பள்ளிக்கூடமான ‘தி ப்யூபில்’ இவர் வடிவமைத்தது. அன்னை சத்யா நகர் சேரியை மேம்படுத்தும் முயற்சியில் ஈடுபட்டார். ஏழை கட்டுமானத் தொழிலாளர்களுக்குத் தொடர்ச்சியாகக் கட்டுமானத் திறன் மேம்பாட்டுப் பயிற்சிகளை வழங்கிவருகிறார்.

ஓவியம் வரைதல், தோட்டப் பராமரிப்பு, சமைத்தல், ஒயின் தயாரித்தல் ஆகியவை இவருடைய பொழுதுபோக்குகள்.

RSVP:
S. Swaminathan - sswami99@gmail.com; 2467 1501
Badri Seshadri - Kizhakku-p-padippakam - badri@nhm.in; 98840-66566
A. Annamalai: Gandhi Study Centre - gandhicentre@gmail.com;
S. Kannan - musickannan@gmail.com; 98414-47974
R. Gopu - writergopu@yahoo.com, 98417-24641
T. Sivasubramanian - siva.durasoft@gmail.com, 98842-94494

The History and the Heritage of the Cooum River, R. Venketesh (Video)